រដ្ឋមន្រ្តីក្រសួងព័ត៌មាន គាំទ្រដល់យុទ្ធនាការផ្សព្វផ្សាយលើកកម្ពស់ការយល់ដឹងអំពីការទទួលទានគ្រឿងស្រវឹងដោយការទទួលខុសត្រូវ

ភ្នំពេញ: ថ្ងៃទី២៧ ខែកញ្ញា ឆ្នាំ២០២៤-ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មានបានគាំទ្រដល់យុទ្ធនាការផ្សព្វផ្សាយលើកកម្ពស់ការយល់ដឹងអំពីការទទួលទានគ្រឿងស្រវឹងដោយការទទួលខុស ហើយជឿជាក់ថា នឹងចូលរួមលើកកម្ពស់សុវត្ថិភាពសង្គម សណ្តាប់ធ្នាប់សាធារណៈ និងសុខុមាលភាព របស់ប្រជាពលរដ្ឋ។ ការគាំទ្រនេះធ្វើឡើងក្នុងឱកាស ដែលក្នុងឱកាសអញ្ជើញជាអធិបតីពិធី “ប្រកាសបន្តយុទ្ធនាការផ្សព្វផ្សាយលើកកម្ពស់ការយល់ដឹងអំពីការទទួលទានគ្រឿងស្រវឹង ដោយការទទួលខុសត្រូវ “ នារសៀលថ្ងៃទី២៧ ខែកញ្ញា ឆ្នាំ២០២៤ នៅសណ្ឋាគារ ហុីម៉ាវារី ភ្នំពេញ។ ក្នុងពិធីប្រកាសបន្តយុទ្ធនាការផ្សព្វផ្សាយលើកកម្ពស់ការយល់ដឹងអំពីការទទួលទានគ្រឿងស្រវឹង ដោយការទទួលខុសត្រូវ រៀបចំឡើងដោយ ក្រុមហ៊ុន ខេមប្រ៊ូវ សហការជាមួយក្រុមហ៊ុន Grab ក្នុងគោលបំណងគាំទ្ររាល់ការអបអរប្រកបដោយ ការទទួលខុសត្រូវ និងជំរុញឲ្យតម្លៃទៅលើការពិសាគ្រឿងស្រវឹងក្នុងបរិមាណសមស្រប។

ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាប្រធានក្រុមការងារអន្តរក្រសួងគ្រប់គ្រងការផ្សាយពាណិជ្ជកម្មផលិតផលគ្រឿងស្រវឹង បានបញ្ជាក់ថា ការរួមគ្នាប្រកាសបើកបន្តយុទ្ធនាការផ្សព្វផ្សាយអប់រំ លើកកម្ពស់ការយល់ដឹងអំពីការទទួលទានគ្រឿងស្រវឹងដោយកាទទួលខុសត្រូវ គឺបានបង្ហាញពីការប្តេជ្ញាចិត្តរបស់ ក្រុមហ៊ុនឧស្សាហកម្មគ្រឿងស្រវឹងក្នុងស្រុក ក្នុងការគាំទ្រឱ្យមានឧស្សាហកម្មគ្រឿងស្រវឹង ដែលមានការទទួលខុសត្រូវ ការអប់រំលើកកម្ពស់ការយល់ដឹងដល់សាធារណជនអំពីការទទួលទានគ្រឿង ជាពិសេសផល ប៉ះពាល់នៃការបើកបរក្នុងស្ថានភាពស្រវឹង ស្រ្តីមានផ្ទៃពោះ អនីតិជន និងគាំទ្រដល់ការកំណត់អាយុអប្បបរមា សម្រាប់អ្នកប្រើប្រាស់ផលិតផលគ្រឿងស្រវឹងនៅប្រទេសកម្ពុជា ក្នុងគោលបំណងលើកកម្ពស់ការអនុវត្តទីផ្សារប្រកបដោយការទទួលខុសត្រូវ។

សូមជម្រាបជូនផងដែរថា កាលពីថ្ងៃទី១១ ខែ មិថុនា ឆ្នាំ២០២៤ ក្រុមហ៊ុន ខេមប្រ៊ូវ (Carisberg Cambodia) ក៏ជាភាគីហត្ថលេខីលើក្រមប្រតិបត្តិសម្រាប់ការធ្វើទីផ្សារ និងការធ្វើទំនាក់ទំនងពាណិជ្ជកម្មប្រកបដោយការទទួលខុសត្រូវ លើផលិតផលគ្រឿងស្រវឹង នៅកម្ពុជា ។

លោក Vladimir Vava អគ្គនាយកគ្រប់គ្រងក្រុមហ៊ុន Cambrew Ltd (Carlsberg Cambodia) បានមានប្រសាសន៍ថា៖ «ការចាប់ដៃគូសហការ គឺជាវិធីសាស្រ្តដ៏សំខាន់មួយចំពោះការបង្កើតវប្បធម៌ពិសាគ្រឿងស្រវឹងដោយរីករាយ និងសុវត្ថិភាព។ ក្រុមហ៊ុនដឹកជញ្ជូន ក្រុមហ៊ុនពាណិជ្ជកម្មអេឡិចត្រូនិក និងដៃគូអាជីវកម្ម គឺជាដៃគូដ៏សំខាន់ក្នុងការបង្ហាញពីរបៀបដែលអាចរួមគ្នាជំរុញការពិសាដោយទំនួលខុសត្រូវ ជាពិសេសនៅពេលនិយាយអំពីការបើកបរក្នុងស្ថានភាពស្រវឹង ស្ត្រីមានផ្ទៃពោះ និងអនីតិជន»។

ជាមួយគ្នានេះ លោក កង សុវណ្ណារ៉ូត នាយកគ្រប់គ្រងក្រុមហ៊ុន ហ្រ្គេប ខេមបូឌា (Grab Cambodia) បានលើកឡើងថា៖ «យើងពិតជាមានសេចក្តីរីករាយយ៉ាងខ្លាំង ក្នុងការប្រកាសភាពជាដៃគូជាមួយក្រុមហ៊ុន Cambrew Ltd (Carlsberg) ដើម្បីជំរុញការពិសាគ្រឿងស្រវឹងប្រកបដោយ ការទទួលខុសត្រូវ ក៏ដូចជាការកាត់បន្ថយគ្រោះថ្នាក់ដោយសារការបើកបរក្នុងស្ថានភាពស្រវឹងនៅក្នុងប្រទេសកម្ពុជា»។ លោកនាយកគ្រប់គ្រង ជឿជាក់ថា រាល់ការអបអរ ឬការប្រារព្ធកម្មវិធីនានាគួរតែបញ្ចប់ទៅដោយភាពរីករាយ និងមានសុវត្ថិភាព។ ជាមួយនឹងកិចុ្ចខិតខំប្រឹងប្រែងរួមគ្នានេះ សង្ឃឹមថា «ពិសាគ្រឿងស្រវឹង កុំបើកបរ សូមជិះហ្រ្គេប» ជាសារសម្រាប់យើងទាំងអស់គ្នា» ៕

(សូមអានបន្ត)

ក្រសួងបរិស្ថាន និងវិទ្យាស្ថាន CDRI ពង្រឹងកិច្ចសហប្រតិបត្តិការ លើកកម្ពស់ភាពស្អាត ភាពបៃតង និងចីរភាព

ភ្នំពេញ ÷ នៅទីស្តីការក្រសួងបរិស្ថាន នារសៀលថ្ងៃទី ២៧ ខែកញ្ញា ឆ្នាំ២០២៤ ឯកឧត្តមបណ្ឌិត អ៊ាង សុផល្លែត បានអនុញ្ញាតឱ្យលោកស្រីបណ្ឌិត អេង នេត្រា នាយិកាប្រតិបត្តិនៃវិទ្យាស្ថាន CDRI ចូលជួបសម្តែងការគួរសម និងស្នើសុំអនុសាសន៍ណែនាំពីឯកឧត្តមរដ្ឋមន្រ្តី សម្រាប់ជាធាតុចូលនៅក្នុងផែនការយុទ្ធសាស្រ្តស្រាវជ្រាវគោលនយោបាយអភិវឌ្ឍន៍ រយៈពេល ៥ឆ្នាំ(២០២៥-២០៣០) របស់វិទ្យាស្ថាន CDRI។

ស្របនឹងការលើកឡើងនេះ ឯកឧត្តមរដ្ឋមន្រ្តី ក៏បានគូសបញ្ជាក់បន្ថែមអំពី យុទ្ធសាស្រ្តចក្រាវិស័យបរិស្ថាន ដែលមានភាពស្អាត ភាពបៃតង និងចីរភាព ហើយតាមរយៈការងារអាទិភាពទាំងនេះ ក្រសួងបរិស្ថានសម្រេចបាននូវសមិទ្ធផលជោគជ័យជាបន្តបន្ទាប់ទៅតាមជំហាននីមួយៗ ដែលមានភាពប្រាកដនិយម និងជាក់លាក់ក្នុងនោះ គឺមានការគាំទ្រពីប្រជាពលរដ្ឋជាង ៩លាន ៦សែនអង្គ/នាក់ និងមានប្រជាពលរដ្ឋជាង ៣លាននាក់ចូលរួមសម្អាត នៅក្នុងយុទ្ធនាការ កម្ពុជាស្អាត ខ្មែរធ្វើបាន។ លោកស្រីបណ្ឌិត អេង នេត្រា នាយិកាប្រតិបត្តិនៃវិទ្យាស្ថាន CDRI និងគណប្រតិភូ បានសម្តែងនូវការអរគុណចំពោះឯកឧត្តមរដ្ឋមន្រ្តីនូវកិច្ចសហប្រតិបត្តិការនេះ និងបានថ្លែងកោតសរសើរចំពោះសមិទ្ធផលការងារ ដែលក្រសួងសម្រេចបាន។

សូមជម្រាបជូនថា វិទ្យាស្ថាន CDRI ជាអង្គការមិនមែនរដ្ឋាភិបាលមិនស្វែងរកប្រាក់ចំណូល និងបានទទួលស្គាល់ដោយសេចក្តីសម្រេចរបស់ក្រុមប្រឹក្សារដ្ឋមន្រ្តីចុះថ្ងៃទី ៤ ខែកក្កដា ឆ្នាំ១៩៩០ ដោយលោកស្រី អេវ៉ា មីស្លីវីក ជាស្ថាបនិក និងឯកឧត្តមបណ្ឌិត ជា ចាន់តូ ជាប្រធានកិត្តយសក្រុមប្រឹក្សាភិបាល។

(សូមអានបន្ត)

តើប្រទេសកម្ពុជាមានតបន់ទេសចរណ៍ណាខ្លះ?

 ប្រទេសកម្ពុជាផ្តល់នូវបទពិសោធន៍ទេសចរណ៍យ៉ាងទូលំទូលាយ ទាក់ទាញភ្ញៀវទេសចរណ៍ជាមួយនឹងបេតិកភណ្ឌវប្បធម៌ដ៏សម្បូរបែប សម្រស់ធម្មជាតិ និងសារៈសំខាន់ប្រវត្តិសាស្ត្រ។  នេះជាប្រភេទទេសចរណ៍សំខាន់ៗនៅកម្ពុជា៖

 1. **ទេសចរណ៍វប្បធម៌**៖ កន្លែងទាក់ទាញដ៏ល្បីល្បាញបំផុតគឺប្រាសាទបុរាណនៃប្រាសាទអង្គរវត្ត ដែលជាបេតិកភណ្ឌពិភពលោករបស់អង្គការយូណេស្កូ។  អ្នកទស្សនាក៏ស្វែងយល់ពីទីតាំងប្រវត្តិសាស្ត្រ និងសាសនាផ្សេងទៀត ដូចជាប្រាសាទបាយ័ន តាព្រហ្ម និងបន្ទាយស្រី។  ការសម្តែងសិល្បៈ របាំប្រពៃណីខ្មែរ ក៏ទាក់ទាញភ្ញៀវទេសចរណ៍វប្បធម៌ផងដែរ។

 ២. **ទេសចរណ៍ធម្មជាតិ**៖ ទេសភាពធម្មជាតិរបស់ប្រទេសកម្ពុជា រួមមាន ជួរភ្នំក្រវាញ បឹងទន្លេសាប និងឧទ្យានជាតិផ្សេងៗ ផ្តល់ឱកាសសម្រាប់ទេសចរណ៍ធម្មជាតិ។  អ្នកធ្វើដំណើរអាចរីករាយនឹងការប្រទះឃើញសត្វព្រៃ ដើរលេង មើលសត្វស្លាប និងទស្សនាភូមិដាច់ស្រយាល។

 3. **ទេសចរណ៍ឆ្នេរ**៖ ប្រទេសកម្ពុជាមានឆ្នេរដ៏ស្រស់ស្អាតនៅតាមឆ្នេរសមុទ្រភាគខាងត្បូង ជាពិសេសនៅខេត្តព្រះសីហនុ កែប និងកោះរ៉ុង។  តំបន់ទាំងនេះត្រូវបានគេស្គាល់ដោយសារឆ្នេរខ្សាច់ពណ៌ស ទឹកថ្លា និងឱកាសសម្រាប់កីឡាក្នុងទឹក និងការសម្រាកលំហែកាយ។

 4. **ទេសចរណ៍ផ្សងព្រេង**៖ ដីចម្រុះរបស់ប្រទេសអនុញ្ញាតឱ្យមានសកម្មភាពដូចជា ការឡើងភ្នំ ជិះកង់ ជិះទូកក្តោង និងជិះហ្ស៊ីប។  ភ្នំក្រវាញ និងទន្លេមេគង្គ គឺជាគោលដៅពេញនិយមសម្រាប់អ្នកចូលចិត្តផ្សងព្រេង។

 5. **ទេសចរណ៍ប្រវត្តិសាស្ត្រ**៖ ក្រៅពីប្រាសាទអង្គរវត្ត ប្រទេសកម្ពុជាមានទីតាំងប្រវត្តិសាស្ត្រសំខាន់ៗទាក់ទងនឹងប្រវត្តិសាស្ត្រថ្មីៗបន្ថែមទៀត រួមមានសារមន្ទីរឧក្រិដ្ឋកម្មប្រល័យពូជសាសន៍ទួលស្លែង និងវាលពិឃាត ដែលផ្តល់ការអប់រំដល់ភ្ញៀវទេសចរអំពីរបបខ្មែរក្រហម។

 6. **ទេសចរណ៍ផ្អែកលើសហគមន៍**៖ ទម្រង់នៃទេសចរណ៍នេះអនុញ្ញាតឱ្យអ្នកទស្សនាចូលរួមជាមួយសហគមន៍មូលដ្ឋាន ជាញឹកញាប់នៅតាមជនបទ ដោយការស្នាក់នៅផ្ទះសំណាក់ ចូលរួមក្នុងសិប្បកម្មក្នុងស្រុក និងស្វែងយល់អំពីជីវិតប្រពៃណីខ្មែរ។

 7. **ទេសចរណ៍ធ្វើម្ហូប**៖ ម្ហូបខ្មែរដែលមានរសជាតិប្លែក និងមុខម្ហូបដូចជា អាម៉ុក និងឡុកឡាក់ ទាក់ទាញអ្នកចូលចិត្តអាហារ។  ទីផ្សារ និងអាហារតាមដងផ្លូវក្នុងទីក្រុងដូចជាទីក្រុងភ្នំពេញ និងខេត្តសៀមរាប ផ្តល់នូវបទពិសោធន៍ធ្វើម្ហូបដ៏សម្បូរបែប។

 សរុបមក វិស័យទេសចរណ៍កម្ពុជាមានភាពសម្បូរបែប ផ្តល់ជូនអ្នកចាប់អារម្មណ៍លើប្រវត្តិសាស្ត្រ វប្បធម៌ ធម្មជាតិ ការផ្សងព្រេង និងអ្វីៗជាច្រើនទៀត។

Cambodia offers a wide range of tourism experiences, attracting visitors with its rich cultural heritage, natural beauty, and historical significance. Here are the main types of tourism in Cambodia:

1. **Cultural Tourism**: The most famous attraction is the ancient temple complex of Angkor Wat, a UNESCO World Heritage site. Visitors also explore other historical and religious sites like the Bayon Temple, Ta Prohm, and Banteay Srei. Traditional Khmer culture, arts, and dance performances also draw cultural tourists.

2. **Ecotourism**: Cambodia's natural landscapes, including the Cardamom Mountains, Tonle Sap Lake, and various national parks, offer opportunities for ecotourism. Travelers can enjoy wildlife spotting, trekking, birdwatching, and visiting remote villages.

3. **Beach Tourism**: Cambodia has beautiful beaches along its southern coast, particularly in Sihanoukville, Kep, and Koh Rong. These areas are known for their white sandy beaches, clear waters, and opportunities for water sports and relaxation.

4. **Adventure Tourism**: The country's diverse terrain allows for activities like hiking, cycling, kayaking, and zip-lining. The Cardamom Mountains and the Mekong River are popular destinations for adventure enthusiasts.

5. **Historical Tourism**: Besides Angkor Wat, Cambodia has significant historical sites related to its more recent history, including the Tuol Sleng Genocide Museum and the Killing Fields, which educate visitors about the Khmer Rouge regime.

6. **Community-Based Tourism**: This form of tourism allows visitors to engage with local communities, often in rural areas, by staying in homestays, participating in local crafts, and learning about traditional Cambodian life.

7. **Culinary Tourism**: Cambodian cuisine, with its unique flavors and dishes like Amok and Lok Lak, attracts food lovers. Markets and street food scenes in cities like Phnom Penh and Siem Reap offer rich culinary experiences.

Overall, Cambodia's tourism is diverse, catering to those interested in history, culture, nature, adventure, and more.

(សូមអានបន្ត)

ឯកឧត្តម ខៀវ កាញារីទ្ធ៖ ក្រុមអង្គការសង្គមស៊ីវិលមួយចំនួនបានចូលរួមពិនិត្យពិភាក្សាកែសម្រួលសេចក្តីព្រាងច្បាប់ស្តីពីសិទ្ធិទទួលព័ត៌មាន និងបានឯកភាពគ្នាម្ដងរួចហើយ តែបែរជាត្រឡប់មកក្រោយវិញ

ភ្នំពេញ ថ្ងៃទី០១ ខែកក្កដា ឆ្នាំ២០២២ ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មានបានលើកឡើងថា ក្រុមអង្គការសង្គមស៊ីវិលមួយចំនួនខ្លះ បានចូលរួមពិនិត្យពិភាក្សាកែសម្រួលនូវសេចក្តីព្រាងច្បាប់ស្តីពីសិទ្ធិទទួលព័ត៌មាន ជាមួយក្រសួងព័ត៌មាន រាប់ឆ្នាំកន្លងមកហើយ ព្រមទាំងបានឯកភាពគ្នាម្តងរួចមកហើយដែរ តែមកដល់ពេលនេះ បែរជាត្រឡប់មកក្រោយវិញ។ ការលើកឡើងរបស់ឯកឧត្ដមរដ្ឋមន្រ្ដីនេះ ក្នុងកិច្ចប្រជុំពិនិត្យលើសេចក្តីព្រាងច្បាប់ស្តីពីសិទ្ធិទទួលព័ត៌មានដែល បានធ្វើឡើងនាព្រឹកថ្ងៃទី០១ ខែកក្កដា ឆ្នាំ២០២២ នៅទីស្ដីការក្រសួងព័ត៌មាន។

ឯកឧត្តម ខៀវ កាញារីទ្ធ បានមានប្រសាសន៍ថា ច្បាប់ស្តីសិទ្ធិទទួលព័ត៌មាន គឺក្រសួងព័ត៌មាន សហការជាមួយអង្គការ UNESCO រួមទាំងដៃគូពាក់ព័ន្ធ ក្រសួង ស្ថាប័ននានា ហើយចុងក្រោយនេះ មានការចូលរួមពិនិត្យដោយក្រសួងយុត្តិធម៌ បន្ទាប់មកបញ្ជូនទៅគណៈរដ្ឋមន្រ្តី។ ប៉ុន្តែក្នុងរយៈពេលថ្មីៗនេះ គឺមានសំណើរបស់ក្រុមអង្គការសង្គមស៊ីវិលមួយចំនួន ដាក់ទៅខុទ្ទកាល័យសម្តេចនាយករដ្ឋមន្រ្តី ហើយលិខិតនេះក៏បានប្រគល់មកឱ្យក្រសួងព័ត៌មាន ពិនិត្យឡើងវិញ។

ឯកឧត្ដមរដ្ឋមន្រ្ដីបានបញ្ជាក់បន្ថែមថា ច្បាប់ដែលអាចឆ្លងចេញបាន គឺផ្អែកលើគោលការណ៍អន្តរជាតិ ហើយក៏ពាក់ព័ន្ធសភាពការណ៍ជាក់ស្តែងក្នុងប្រទេស ហើយអ្វីសំខាន់គឺសភាពការណ៍នយោបាយ។

សូមជម្រាបជូនថា ច្បាប់ស្តីពីសិទ្ធិទទួលព័ត៌មាន កំណត់អំពីសិទ្ធិនិងកាតព្វកិច្ចក្នុងការទទួលនិងផ្ដល់ព័ត៌មាន នីតិវិធី ស្នើសុំ និងផ្តល់ព័ត៌មាន និងអំពីព័ត៌មានសម្ងាត់ក្នុងគោលបំណងដើម្បីធានាឱ្យសាធារណជនគ្រប់រូប នូវសិទ្ធិក្នុងការទទួលបានព័ត៌មានពីស្ថាប័នសាធារណៈ។ ច្បាប់នេះ កំណត់អំពីសិទ្ធិនិងកាតព្វកិច្ចនៃការទទួលនិងផ្ដល់ព័ត៌មាន គោលការណ៍ វិធាននីតិវិធីស្នើសុំនិងផ្តល់ព័ត៌មាន ព័ត៌មានសម្ងាត់និងកិច្ចការពារអ្នកផ្ដល់ព័ត៌មានក្នុងគោលបំណងដើម្បីធានាឱ្យសាធារណជនគ្រប់រូបនូវសិទ្ធិ ក្នុងការទទួលបានព័ត៌មានពីស្ថាប័នសាធារណៈ និងកាត់បន្ថយព័ត៌មានសម្ងាត់ឱ្យមានកម្រិត អប្បបរមាស្របតាមរដ្ឋធម្មនុញ្ញនៃព្រះរាជាណាចក្រកម្ពុជា៕

ដោយ រិទ្ធី រូបថត៖ ខឹម សុវណ្ណារ៉ា

(សូមអានបន្ត)

ឯកឧត្ដមឃួងស្រេងណែនាំដល់មន្រ្តីត្រូវបំពេញការងារឱ្យអស់ពីសមត្ថភាពកម្លាំងកាយចិត្ត និងមានការលះបង់ខ្ពស់ដើម្បីប្រសិទ្ធភាពការងារ

ភ្នំពេញ៖ ឯកឧត្ដមឃួងស្រេង អភិបាលរាជធានីភ្នំពេញ បានមានប្រសាសន៍ថា   ក្នុងនាមជាមន្ត្រីនៅថ្នាក់ក្រោមជាតិត្រូវបំពេញការងារឱ្យអស់ពីសមត្ថ ភាព  អស់ពីកម្លាំងកាយចិត្ត  និងមានការលះបង់ខ្ពស់ ជាមួយការងារដើម្បីធ្វើយ៉ាង ណាបម្រើផលប្រយោជន៍ប្រជាពលរដ្ឋនៅរាជធានីភ្នំពេញឱ្យកាន់តែល្អប្រសើរ។

ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញបានណែនាំដូច្នេះ ក្នុងឱកាសអញ្ជើញ ជាអធិបតីភាពក្នុងពិធីប្រកាសចូលកាន់តំណែងរបស់មន្ត្រីរាជការ ក្នុងរចនាសម្ព័ន្ធសាលារាជធានីភ្នំពេញ នារសៀលថ្ងៃទី០៨ ខែមិថុនាឆ្នាំ២០២២ នេះ នៅសាលារាជធានីភ្នំពេញ។

ឯកឧត្ដម  ឃួង ស្រេងបានមានប្រសាសន៍លើកឡើងថា ក្នុងនាមជាមន្ត្រីនៅថ្នាក់មូល ដ្ឋានឬថ្នាក់ក្រោមជាតិ បើមិនមានការលះបង់ទេ យើងធ្វើ ការងារបម្រើប្រជាពលរដ្ឋមិន បានទេ ពិសេសមន្ត្រីនៅថ្នាក់រាជធានី ,ខណ្ឌនិងសង្កាត់នេះហើយ ដោយយើងជាអ្នកនៅផ្ទាល់ជាមួយប្រជាពលរដ្ឋ ។ ការអនុវត្តការងារបែបនេះនឹងទទួលបានការជឿទុកចិត្តនិងភាពកក់ក្តៅពីប្រជាពលរដ្ឋ។ ជាក់ស្តែងនាពេលប៉ុន្មានថ្ងៃកន្លងមកនេះ ពិតជាបានបង្ហាញឱ្យឃើញហើយថា ដោយសារតែយើងបានលះ បង់ បានយកអស់កម្លាំងកាយចិត្ត ក្នុងការបម្រើប្រជាពលរដ្ឋនេះហើយ ទើបប្រជាពលរដ្ឋឆ្លើយតបមកវិញយ៉ាងល្អប្រសើរ នោះគឺការបោះឆ្នោតគាំទ្រ ឱ្យយើងបន្តការងារបម្រើពួកគាត់បន្តទៅមុខទៀត។

  ក្នុងឱកាសនោះដែរឯកឧត្ដម  ឃួង ស្រេងក៏បានណែនាំដល់មន្ត្រីធនធាន មនុស្សនៃសាលារាជធានីភ្នំពេញទាំងអស់ត្រួតពិនិត្យមើលឱ្យបានច្បាស់លាស់ចំពោះស្មៀននៅតាមសង្កាត់ទាំង១០៥ ដើម្បីធ្វើយ៉ាងណាឱ្យការបម្រើសេវាសាធារណៈ ជូនប្រជាពលរដ្ឋត្រូវតែល្អនិងត្រូវតែមានតម្លាភាព។ ឯកឧត្ដមក៏បានបញ្ជាក់បន្ថែមថា សម្រាប់មន្ត្រីនៅថ្នាក់ក្រោមជាតិនេះការបម្រើប្រជាពលរដ្ឋគឺត្រូវធ្វើឡើង មិនថាយប់ឬថ្ងៃ ឈប់សម្រាកឡើយ ។ មន្ត្រីយើងដែលបាននិងកំពុងបំពេញការងារ បើមានចំណុចណាដែលមិនចេះ មិនយល់ ត្រូវចេះសួរគេ ហើយការសួរនេះហើយ ការងារយើងនឹងចេះអស់មួយជីវិត។

គួរបញ្ជាក់ថា ក្នុងពិធីនេះត្រូវបានតែងតាំងមន្ត្រីរាជការ ចំនួន ០៥ រូប ក្នុងរចនាសម្ព័ន្ធទីចាត់ការគ្រប់គ្រងធនធាន មនុស្សសាលារាជធានីភ្នំពេញ ក្នុងនោះរួមមាន៖ ១. លោក ហ៊ីម លីម៉េង បានតែងតាំងឱ្យកាន់មុខតំណែងជានាយកទីចាត់ការគ្រប់គ្រងធនធាន មនុស្ស ។ ២. លោកស្រី ឈុន បូរ៉ាវី ឱ្យកាន់មុខតំណែងជា នាយិការងនៃទីចាត់ការ គ្រប់ គ្រងធនធានមនុស្ស។ ៣ លោក ឡុង តារា ឱ្យកាន់មុខ តំណែងជាប្រធានការិយា ល័យគ្រប់គ្រងបុគ្គលិក នៃទីចាត់ការគ្រប់គ្រង ធនធាន មនុស្ស ។៤. លោក គឹម ច័ន្ទអឿន ឱ្យកាន់មុខតំណែងជាអនុជាប្រធានការិយាល័យគ្រប់គ្រងបុគ្គលិក នៃទីចាត់ ការគ្រប់គ្រង ធនធានមនុស្ស ។៥កញ្ញា រដ្ឋា ចន្ទី ឱ្យកាន់មុខ តំណែងជាអនុប្រធានការិយា ល័យកសាងសមត្ថភាពនៃទីចាត់ការគ្រប់គ្រងធនធាន មនុស្ស។

លោក ហ៊ីម លីម៉េង  បានធ្វើការប្តេជ្ញាចិត្តថា៖ នេះជាឱកាសដែលពួកយើង បានបញ្ចេញសមត្ថភាព ដើម្បីបម្រើក្រុមប្រឹក្សានិងគណៈអភិបាលរាជធានី ។ លោកសូមប្តេជ្ញាចិត្តថា នឹង គ្រប់ គ្រងធនធានមនុស្សឱ្យកាន់តែមានប្រសិទ្ធភាព និងគ្រប់គ្រងប្រព័ន្ធការងារឱ្យកាន់តែល្អប្រសើរ លើកកម្ពស់សមត្ថ ភាព ដើម្បីជាកម្លាំងស្នូលរបស់ស្ថាប័ននិងសាមគ្គីភាពផ្ទៃក្នុងឱ្យបានល្អបំផុត៕

(សូមអានបន្ត)

នាយឧត្តមសេនីយ៍ សៅ សុខា បន្តដឹកនាំកិច្ចប្រជុំត្រៀមរៀបចំពិធីខួបលើកទី៤៥ ទិវានៃការចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត

(ភ្នំពេញ)៖ នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស បន្តអញ្ជើញដឹកនាំកិច្ចប្រជុំត្រៀមរៀបចំពិធីខួបលើកទី៤៥ ទិវានៃការចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧ - ២០ មិថុនា ២០២២) និងសម្ពោធសមិទ្ធផលនានា នៅតំបន់ប្រវត្តិសាស្ត្រយោធាតេជោកោះថ្ម X-16 ឃុំទន្លូង ស្រុកមេមត់ ខេត្តត្បូងឃ្មុំ។

កិច្ចប្រជុំនេះបានធ្វើឡើងនៅបញ្ជាការដ្ឋាន កងរាជអាវុធហត្ថលើផ្ទៃប្រទេស ដោយមានការអញ្ជើញចូលរួមពីសំណាក់មន្ត្រីក្រសួងស្ថាប័នដែលមានការពាក់ព័ន្ធ នៅព្រឹកថ្ងៃទី០៩ ខែមិថុនា ឆ្នាំ២០២២នេះ។

សូមជម្រាបថា ពិធីរំលឹកខួបលើកទី៤៥ នៃទិវាចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧-២០ មិថុនា ២០២២) នឹងត្រូវធ្វើនៅតំបន់ប្រវត្តិសាស្ត្រយោធាតេជោកោះថ្ម X-16 ឃុំទន្លូង ស្រុកមេមត់ ខេត្តត្បូងឃ្មុំ។

ដោយឡែក «ទិវាចងចាំនៃដំណើរឆ្ពោះទៅកាន់ការផ្តួលរំលំរបបប្រល័យពូជសាសន៍ ប៉ុល ពត» គឺត្រូវបានធ្វើឡើងជារៀងរាល់ឆ្នាំ ហើយរាល់ឯកសារនានារបស់សមមិត្ត ហ៊ុន សែន ពាក់ព័ន្ធនឹងដំណើរ ការតស៊ូលះបង់ជីវិត ដើម្បីជាតិមាតុភូមិត្រូវបានឆ្លាក់នៅវិមានឈ្នះ-ឈ្នះ ដើម្បីទុកឱ្យកូនចៅជំនាន់ក្រោយបានសិក្សារៀនសូត្រ និងចងចាំនូវព្រឹត្តិការណ៍មួយនេះ។

តំបន់កោះថ្ម ចំណុចអាងដាច់ X16 គឺជាចំណុចនៃការចាប់ផ្ដើមដំណើរតស៊ូរំដោះជាតិរបស់សម្ដេចតេជោ ហ៊ុន សែន ឆ្ពោះទៅកាន់ការផ្តួលរំលំរបបប្រល័យពូជសាសន៍ ប៉ុលពត (២០ មិថុនា ១៩៧៧-២០ មិថុនា ២០២០)៕

(សូមអានបន្ត)

អភិបាលរាជធានីភ្នំពេញ អញ្ជើញសម្ពោធផ្សារទំនើប ព្រីនស៍ ថាមស៍ សឃែ្វរ របស់ក្រុមហ៊ុន ព្រីនស៍ រៀល អ៊ីស្តេត គ្រុប

 ភ្នំពេញ: ថ្ងៃទី០៧ ខែ អភិបាលរាជធានីភ្នំពេញ អញ្ជើញសម្ពោធផ្សារទំនើប ព្រីនស៍ ថាមស៍ សឃែ្វរ របស់ក្រុមហ៊ុន ព្រីនស៍ រៀល អ៊ីស្តេត គ្រុប

 ឆ្នាំ២០២២ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ អញ្ជើញជាអធិបតីក្នុងពិធីសម្ពោធជាផ្លូវការ ផ្សារទំនើប ព្រីនស៍ ថាមស៍ សឃែ្វរ ដែលជាមជ្ឈមណ្ឌលពាណិជ្ជកម្មដំបូងបង្អស់របស់ក្រុមហ៊ុន ព្រីនស៍ រៀល អ៊ីស្តេត គ្រុប ដែលមានទីតាំងស្ថិតនៅផ្នែកខាងត្បូងនៃមហាវិថីព្រះនរោត្តម ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ នាព្រឹកថ្ងៃទី០៧ ខែមិថុនា ឆ្នាំ២០២២។

រូបថត៖ អុក សុខខឿន

(សូមអានបន្ត)

អាហ្វហ្គានីស្ថាន និងអង្គការណាតូ ពិភាក្សាគ្នាអំពីកិច្ចសហប្រតិបត្តិការបន្ថែម​ទៀតបន្ទាប់ពីការដកកងទ័ពចេញ

ភ្នំពេញ៖ថ្ងៃទី០៤ ខែសីហា ឆ្នាំ២០២១ ក្រសួងការបរទេសអាហ្វហ្គានីស្ថានបាននិយាយកាលពីថ្ងៃអង្គារថា រដ្ឋមន្ត្រីការបរទេសអាហ្វហ្គានីស្ថាន លោក Mohammad Haneef Atmar បានជួបប្រជុំជាមួយអ្នកតំណាងស៊ីវិលជាន់ខ្ពស់របស់អង្គការណាតូ​ប្រចាំប្រទេសអាហ្វហ្កានីស្ថាន លោក Stefano Pontecorvo ដើម្បីពិភាក្សាអំពីកិច្ចសហប្រតិបត្តិការ​បន្ថែមទៀត​បន្ទាប់ពី​ការដកកងទ័ពអន្តរជាតិចេញពីប្រទេសនេះ។ សេចក្តីថ្លែងការណ៍មួយបានឱ្យដឹងថា «លោករដ្ឋមន្ត្រី Atmar បានដឹកនាំកិច្ចសហប្រតិបត្តិការរបស់អង្គការ​ណាតូជាមួយអាហ្វហ្គានីស្ថានក្នុងរយៈពេលពីរទសវត្សចុងក្រោយនេះ និងស្វាគមន៍ជំហររបស់បណ្តា​មេដឹកនាំអង្គការណាតូក្នុងការបន្តវត្តមានការទូតរបស់អង្គការនេះនៅក្នុងប្រទេសអាហ្វហ្គានីស្ថាន និងកិច្ចសហប្រតិបត្តិការបណ្តុះបណ្តាលរបស់ខ្លួនជាមួយកងកម្លាំងសន្តិសុខ និងការពារជាតិ ជាពិសេសការបណ្តុះបណ្តាលកងកម្លាំងពិសេសអាហ្វហ្គានីស្ថាន»។

 លោក Pontecorvo បានកត់សម្គាល់នូវការប្តេជ្ញាចិត្តរបស់អង្គការណាតូក្នុងការពង្រឹងកងកម្លាំងការពារ និងសន្តិសុខអាហ្វហ្គានីស្ថាន ដោយស្នើបង្កើតសាលាបណ្តុះបណ្តាលយោធាអាហ្វហ្គានីស្ថាន និងគ្រប់គ្រងបណ្តាអាកាសយានដ្ឋាននៅក្នុងប្រទេសនេះ។ ក្រសួងនោះបានបញ្ជាក់ថា «លោក Pontecorvo បានសង្កត់ធ្ងន់ទៅលើសន្តិសុខនៅអាកាស​យានដ្ឋាន​អន្តរជាតិ Hamid Karzai និងសារៈសំខាន់របស់វាចំពោះវត្តមានបេសកកម្មការទូត និងការបន្តជំនួយ​អភិវឌ្ឍអន្តរជាតិនៅអាហ្វហ្គានីស្ថាន»។

 ប្រទេសអាហ្វហ្គានីស្ថានបានជួបប្រទះនូវការកើនឡើងនូវអំពើហឹង្សាក្នុងរយៈពេលប៉ុន្មានសប្តាហ៍ថ្មីៗនេះ ខណៈដែលក្រុមចលនាតាលីបង់បានបង្កើនការវាយលុករបស់ខ្លួនបន្ទាប់ពីកងទ័ពអន្តរជាតិបានចាប់ផ្តើមដកខ្លួនចេញពីប្រទេសនេះកាលពីខែឧសភា។ ការដកកងទ័ពចេញ គឺជាចំណុចមួយនៃកិច្ចព្រម​ព្រៀង​ដែល​ក្រុមចលនាតាលីបង់ និងសហរដ្ឋអាមេរិកសម្រេចបាននៅទីក្រុងដូហាកាល​ពីខែកុម្ភៈ​ឆ្នាំមុន៕(ប្រភព Sputnik បកប្រែដោយលោក យា ចិន្តាខន្តី) សម្រួលផ្សាយដោយ៖ ធូ កុសល

 

(សូមអានបន្ត)

ជម្រើសជាតិកង់ហ្វឹកហាត់នៅបារំាងបានជិត២ខែ ដើម្បីបង្កើនបច្ចេកទេសត្រៀម ស៊ីហ្គេម នាចុងខែមេសា ឆ្នាំ២០២២

 

ភ្នំពេញ ៖ថ្ងៃទី០៤ ខែសីហា ឆ្នាំ២០២១ ក្នុងគម្រោងហ្វឹកហាត់រយៈពេល៣ខែ នៅតំបន់ភ្នំ អាលែស ភាគខាងត្បូង នៃប្រទេសបារំាង ក្រុមកីឡាករជម្រើសជាតិទោចក្រយាន (កង់) កំពុងបង្កើនការហ្វឹកហាត់យ៉ាងខ្លាំងក្លា បានរយៈពេលជិត២ខែហើយ គិតមកដល់ត្រឹមថ្ងៃទី០៤ ខែសីហា ឆ្នាំ២០២១នេះ ដើម្បីសម្រួចបច្ចេកទេសឱ្យកាន់តែប្រសើរ ត្រៀមចូលរួមប្រកួតប្រជែងមេដាយ ក្នុងស៊ីហ្គេម លើកទី៣១ នាចុងខែមេសា ដល់ដើមខែឧសភា ឆ្នាំ២០២២ នៅប្រទេសវៀតណាម។

លោក នូ ចំរើន អគ្គលេខាធិការ សហព័ន្ធខ្មែរទោចក្រយានបញ្ជាក់ថា កីឡាករជម្រើសជាតិកង់ទាំង៣នាក់ និងគ្រូបង្វឹកម្នាក់កំពុងបង្កើនការហ្វឹកហាត់នៅទីនោះ ពី៤ទៅ៥ម៉ោង ដោយការជិះកង់រាប់រយគីឡូម៉ែត្រ ក្នុង១ថ្ងៃៗផង និងការធ្វើលំហាត់កម្តៅសាច់ដុំតាមបច្ចេកទេស ដើម្បីពង្រឹងកាយសម្បទា ថាមពលកម្លាំង រួមទាំងបង្កើនល្បឿននៃការជិះផងដែរ។ តំបន់ហ្វឹកហាត់នេះ គឺជាតំបន់ភ្នំឡើងចុះមានផ្លូវកាច់កោងចុះឡើងៗ ដែលតំបន់បែបនេះសមស្របដល់ការហ្វឹកហាត់កង់ឱ្យកាន់តែមានគុណភាពខ្ពស់ ម្យ៉ាងទៀតក្រុមកង់កម្ពុជាទាំង៣នាក់ក៏បានហ្វឹកហាត់ និងដកស្រង់បច្ចេកទេសជាមួយក្រុមកង់អាជីពនៅប្រទេសបារំាងផងដែរ។

សម្រាប់ការហូបអាហារវិញ គឺកីឡាករកម្ពុជាមិនសូវស៊ាំនឹងអាហារបរទេសនោះទេ ដែលកីឡាករត្រូវចំណាយកម្លាំងច្រើនណាស់ ក្នុងការស្តារថាមពលកម្លាំងឡើងវិញ ។ ដូច្នេះដើម្បីជួយសម្រួលបន្ថែម គឺលោកស្រី ប៉ែន ស្រីមុំ ប្រធានសមាគមកីឡាប្រណាំងកង់កម្ពុជា (Cambodia Cycling Academy -CCA) ដែលមានទីស្នាក់ការនៅកម្ពុជា-បារាំងតែងតែធ្វើម្អូបអាហារខ្មែរជូនដល់ពួកគាត់ញឹកញាប់ទៀតផង។ ក្រុមជម្រើសជាតិកីឡាទោចក្រយានទាំង៣នាក់ ដែលកំពុងហ្វឹកហាត់នៅប្រទេសបារំាងនេះ គឺកីឡាករ គឹម ចាន់ធូ, សាន ណាម៉ា ,កីឡាករ សាន ណាម៉ាវ និងគ្រូបង្វឹកម្នាក់ គឺលោក ខ្លូត ករណី បានចាកចេញពីមាតុភូមិកំណើត កាលពីថ្ងៃទី១២ ខែមិថុនា ឆ្នាំ២០២១។

ដើម្បីត្រៀមចូលរួមប្រកួតស៊ីហ្គេម នៅវៀតណាម នាឆ្នាំ២០២២ ក៏ដូចជាត្រៀមគោលដៅទទួលធ្វើម្ចាស់ផ្ទះ ស៊ីហ្គេម លើកទី៣២ ឆ្នាំ២០២៣ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងជាប្រធានសហព័ន្ធកីឡាទោចក្រយាន កំពុងឧបត្ថម្ភគាំទ្រលើកទឹកចិត្តយ៉ាងពេញទំហឹង ដល់ក្រុមជម្រើសជាតិផ្សេងទៀត ក្រៅពីហ្វឹកហាត់នៅបារំាង គឺមានកីឡាករជម្រើសជាតិកង់ម្នាក់ទៀត ជាកូនខ្មែររស់នៅសហរដ្ឋអាមេរិក។ ក្រៅពីនេះក៏មានការប្រមូលផ្តុំហ្វឹកហាត់ក្នុងស្រុកលក្ខណៈបិទខ្ទប់ធ្វើឡើងនៅស្រុកបន្ទាយស្រី ខេត្តសៀមរាប ដែលមានកីឡាករ កីឡាការិនី៩នាក់ ក្រុមជម្រើសជាតិ (កង់ភ្នំ-កង់គួក) មានចំនួនសរុបចំនួន១៦នាក់ ក្នុងនោះពេញសិទ្ធិ១៣នាក់ និងបម្រុង៣នាក់ ព្រមទាំងគ្រូបង្វឹកចំនួន៤នាក់ (សរុបទាំអស់ ២០នាក់)។

គម្រោងបោះជំរុំហ្វឹកហាត់នេះ ត្រូវបន្តធ្វើរហូតដល់ខែមេសា ឆ្នាំ២០២២ ខាងមុខ ពោលគឺបន្តការហ្វឹកហាត់រហូតជិតដល់ ស៊ីហ្គេម នៅប្រទេសវៀតណាម តែម្តង ក្រោមការឧបត្ថម្ភថវិកាប្រចាំខែពីក្រសួងអប់រំ យុវជន និងកីឡា តាមរយៈមជ្ឈ មណ្ឌលជាតិហ្វឹកហ្វឺនកីឡា ហើយក៏ទទួលបានការឧបតម្ថម្ភបន្ថែមផ្សេងៗទៀត ពីឯកឧត្តម ប៉ាន សូរស័ក្តិផងដែរ ៕

ដោយហេង ណាលីន

(សូមអានបន្ត)